სახლის მოწყობისას ბევრს ვფიქრობთ, გონებაში მომავალი ინტერიერის ყველანაირ ვერსიას წარმოვიდგნეთ, ვხატავთ და შემდეგ ვიწყებთ მის მოწყობას. ის, ვინც ამ საქმეში გამოცდილი არ არის, ხშირად შეცდომას უშვებს, თუმცა ჩვენ რისთვის ვართ, საჭირო რჩევების მოსაცემად მოვედით. ამჯერად ავეჯის განლაგებაზე უნდა გესაუბროთ. წაიკითხეთ ბლოგი, 5 წესი რომელიც ავეჯის განლაგების დროს უნდა დაიცვათ
აირჩიეთ მთავარი წერტილი
მთავარი წერტილი დამაბნელვად ჟღერს, თუმცა ეს პირველი და უმარტივესი წესია.
შედით ოთახში, მოძებნეთ ცენტრი, დადექით და ავეჯის განლაგება თქვენს ირგვლივ დაიწყეთ.
ოთახის შუა ნაწილი, მთავარი წერტილია.
ეს ხერხი ავეჯის სწორად გადანაწილებაში დაგეხმარებათ, ასე ყველაფერი სიმეტრიულად დადგება და სასურველ შედეგს მარტივად მიაღწევთ.
არ მიადგამთ ავეჯი კედელს
ინტერიერს რადიკალიზმი არ უხდება, ყველა ოთახის მოწყობას დაფიქრება და გაანალიზეაბა სჭირდება.
თუ სახლი პატარაა და დივანის დადგმის შემდეგ სივრცე აღარ გრჩებათ, მაშინ უმჯობესია დივანი კედლისგან მოშორებით დადგათ, ასე ოთახს მოცულობით გაზრდით.
თუ დიდ სივრცეს ფლობთ, მაშინ არჩევანი უკვე თქვენზეა, ჩვენი რჩევა იქნება, აქცენტი ცენტრზე გააკეთოთ და კედლები კვლავ ცარიელი დატოვოთ.
დაიცავით ბალანსი
ეს წესი სახლის მოწყობისას უმნიშვნელოვანესია, ბალანსის გარეშე ინტერიერი უგემოვნო, შეუსაბამო და მოსაწყენი გამოვა.
სანამ უშუალოდ ავეჯს დადგამთ, გადაანაწილეთ თითოეული მათგანი, სად, რომელი ლოგინი, სკამი და კარადა იდგმევა და რომელ ოთხას როგორი ფორმის ავეჯი მოუხდება.
ნუ გადატვირთავთ სახლს და ნურც ცარიელს დატოვერებთ ოთახს, ბალანსი დაიცავით და ავეჯიც საჭიროების მიხედვით შეარჩიეთ.
სწორად შეარჩიეთ კედლის დეკორი
როდესაც საქმე სურათებს, სარკესა და სხვა დეკორს ეხება დიდი სიფრთხილეა საჭირო.
არასწორად შერჩეულმა სურათმა შეიძლება სახლის ინტერიერი გააფუჭოს, გააუბრალოოს და არასწორი მესიჯები გაგზავნოს თქვენთან მოსულ სტუმრებს.
ბალანსი ამ შემთხვევაშიც საჭიროა. მაგალითად, დივანის თავზე პატარა სურათი ოთახში დაიკარგება, ამიტომ დიდი ჩარჩო შეარჩიეთ და თეთრ ფონზე შუაში ჩასვით ის.
ასევე დიდი სურათი პატარა ოთახში დაუშვებელია, ოთახი კიდევ უფრო დაპატარავდება.
მიმართეთ ამ სფეროში გამოცდილ ხალხს
ბოლო წესი, რომლის დარღვევასაც არ გირჩევთ, ინტერიერის დიზაინში გამოცდილი ხალხის დახმარებაა, მათ ზუსტად იციან თქვენ სახლს როგორი ფერები და სტილი შეეფერება და იმაშიც დაგეხმარებიან რომ თქვენი სახლის ყველა დეტალი ერთად დაგეგმოთ და საბოლოო შედეგი ნახოთ.
სწორი და შესაფერისი რჩევები სახლის მოწყობისას აუცილებელია… – 5 წესი რომელიც ავეჯის განლაგების დროს უნდა დაიცვათ
წინა ბლოგი – ნიუ-იორკის ერთ-ერთ კუნძულზე მომავლის სასტუმრო იხსნება